Tessatroll

Berre ein tanke men kan dunkvaliteten være oppgitt i ulik skala? US vs EU? Evt kan det ha noko med hetteløysing å gjere? Warmpeace har nakkekrage og "tradisjonelt" hodeområde/hette. Mammut har mummuehette men ingen nakkekrage. Eg har prøvd båe, då me har ein nyare Mammut Compact 3 sesason i hus, og dei har slik mummiehette. Synes det verkar greit, men det føresett at du er i stand til å ligge med hetta attsnørt. Mange eg kjenner er ikkje glad i det, men snurpar heller nakkekragen godt og ligg med lue. Dette vert uansett som kommentert over berre detaljar, og eg tenkjer at du vert nøgd same kva du vel, om det er i dette segmentet du har tenkt å handle.

Eg har brukt Viking 600 og kan ikkje seie anna enn at eg er nøgd. Ein litt romsleg modell er noko eg sett pris på, då det går an å bevege seg i posen utan at heile posen snarar seg rundt kroppen. Stoffet tørkar fort, posen har svart innside som er ein føremun ved tørking, god krage og solid pakkpose. Den andre modellen kan eg ikkje uttale meg om då eg ikkje har prøvde den

Det kjem an på kva tur eg skal på Nokre turar berre grunnleggande førstehjelpspakke frå Norsk folkehjelp pluss sportstape og ekstra gnagsårplaster. På nokre turar supplerar eg etter behov og sannsynlege risikoar. Stegjarn/isøks osv; litt meir for kutt og sårbehandling. Vinter; meir utstyr for varmekonservering enn på sommar. Langtur vekk frå folk; meir medikament for infeksjon og lette plager, som urinvegsinfeksjon, betennelse i musklar og senjar, allergimedisin, auka mengde sårstell og/eller brannskadestell. I enkelte tilfeller sutur, og sett for tannfylling. Mine førstehjelpspakkar kan variere mellom 200 gr og over eit kilo. Så litt OT, bed om tilgiving før eg syndar, men brenn for dette og ser ofte at fokuset er varierande hjå folk; Det viktigste er at ein kan å bruke det ein har med. Så med i "førstehjelpspakken" min ligg det jamnleg oppdatering av førstehjelpskurs, gjerne annakvart år, med variabelt innslag av grunnleggande førstehjelp og temaspesifikk førstehjelp. Det kan til dømes være førstehjelp for kalde omgjevnader, eller særskilt fokus på eit eller anna tema. Gjenkjenningskompetanse på akutt sjukdom er kanskje det eg synes er vanskelegast å bygge, men faktisk det ein statistisk sett (har eg blitt fortalt hjå Raude Kross) har størst sjangse for å måtte bruke, også i fjellet! (hjerneslag, hjartetrøbbel osv).

Dette er jo individuelt, men ja eg vil definitivt seie denne er tilstrekkeleg til norsk høgfjell vinterstid, til den "gjennomsnittlege" mann under "normaltilhøve". Fjellduken er fin, dersom du likevel skal ha han med. Som sagt har eg det bra i berre denne posen, uten å supplere, ned til 20 minus. Dog med ull og lue, evt ekstra på rompa (det siste trur eg er eit utprega kvinnebehov). Sjølv kjem eg til å satse på denne dersom neste års langturplanar vert ein realitet, då supplert med ein sommarpose. Dette fordi nattemperaturane på slutten av turen gjerne kan droppe til minus 30 og ved enkelte høver minus 40.

Flotte bileter Me har også hatt eit par veker Lofoten i sommar, på vitjing hjå svigers. Supert Eg meinar dog at området vestlige Vestvågøy, Flakstad og Moskenes er flottast (utan at det betyr at resten av Lofoten ikkje er flott!) . Så de gjorde eit godt val for ferien

Har brukt MSR whisperlite, XGK og Dragonfly. Har brukt XGK mest, og vil nok halde fram med den, og evt supplere med ein med betre justering for tilfeller der eg treng to brennerar. Den bråkar som fy men; så påliteleg det er skummelt, brenn det meste, enkel i konstruksjon og enkel å bli kjent med. Lyden tenar som det finaste verktøy for diagnostisering (om det ein sjeldan gong sku være noko). Har hatt min i nokre år, og det kunne ikkje falle meg inn å gjere noko anna enn å evt suplere. Den vert aldri bytt ut.

Det er min medisin eg er sunnmøring men Rolf Jakobsens Nord er min favoritt. Det finnast berre ein veg

Reklamer. Eg har nett fiksa min sjøl, eller dvs Anders, men det er glassfiber så vert nok litt annaleis. Uansett greit å reklamere på så ny båt

Ei natt på Uttakleiv for store og små for å få med solnedgangen

Stamsundrekka i Lofoten

Om det sku ligge att nokre snøflekkar hist og her er det likevel fotføre. Kle, overnattingsutstyr, førstehjelp, mat, orienteringssaker og kikkert held i masser.

Ein flott tur langs "Ørstas" Besseggen, ein ryggtur over fleire slake toppar med utsikt store delar av vegen. Oda nyt varmen og dagen

Etter å ha bytt ut x antal glidelås og sydd mykje i mine to turbukser som verkeleg byrjar drage på åra, innser eg at det er på tide med ei ny. Superglad for å kunne scrolle meg gjennom tråder som dette for å prøve orientere meg litt. Har dog eit pittelite hjartesukk; når ein skriv at ei bukse har god passform, skulle eg ønske meg nokre stikkord om "god passform for kven" Altså type: "super passform for meg, 180 høg og med mest lager på midten, med slanke bein" Eller som for mitt tilfelle; "god passform for 167 cm kvinne, med typisk kvinnelagring på rumpe og lår og lite på midten". For meg vil det mellom anna seie at Klattermusen og Bergans konsekvent utgår då eg opplever dei som veldig rette, også i damemodell. Har eg først fått dei over ræva vert dei konsekvent for store og for lange ellers. Var ikkje klar over at Keb kjem i ein curved modell, den skal prøves! Forrige gang eg prøvde vanleg Keb hadde eg sikkert fått plass til tre halvliterar lagra mellom liv og korsrygg, to kne per eit, samt kunne hatt 40 cm platåsko utan at dei viste...... Takk for tips på Curved

To sikre teikn; 1. Haugane av kjekspapir og compeed-avfall veks på dei mest populære toppane. Berre å knytte bossposen i hoftebeltet om ein sku våge seg i nærleiken. 2. Historiene om overmodige moskusturistar aukar i omfang i media.

Vil tru det er ok no, men om du ringjer Finse eller Haugastøl får du nok presist svar

Flott eg veit ikkje kva type løpesokkar du gjekk med, men eg veit at eg har byrja styre unna den glatte kunstfibertypen. Kjøper bomull eller ull/bambus med god friksjon.

Det finnast ulike snøreteknikkar for å få dradd helkappa betre på og få foten fast, mellom anna å lage eselører å snøre gjennom. På mine Trango EVO kan eg gjere det på to vis; mellom siste tekstilanøring og første krok, eller mellom første og andre krok, alt etter kvar du treng det. Legg ved bilete, men er mok vanskeleg å sjå då eg har mørke sko og mørke lisser.

Lofoten er utan tvil fantastisk. Men å være klar til å padle rundt Lofoten krev ein del erfaring, som påpeika ovanfor kan det være krevjande både på yttersida og i Vestfjorden. Ikkje noko eg ville gjort dei første åra av ei padlekarriere, ikkje eingong i turfølge med meir erfaring dersom det hardnar til skal ein faktisk halde grei teknisk padlestandard, noko som gjerne tek litt tid å lære.

Nomaden har i alle fall i nettbutikken sin. Butikken ligg bak slottet i Uranienborgveien 4.

Det kan være smart å finne ut kva denne vondten skuldast før du går til innkjøp. Ulike problemstillingar i føtene krev ulike tiltak, og det er dumt å sette i gang med dyre og/eller tidkrevjande tiltak som ikkje treff. Har nett ridd av ein slik Plantar Fasciit som er omtala lenger oppe i tråden. Av mange framstilt som eit evig problem, men det syner seg at med rett tiltak til rett tid så kan ein få bukt med også dette relativt kjapt. Mitt råd er å ta med sekken, ta med støvlane, å gå på mølla hjå ein ortoped/fysio/kiro med spesialisering føter og stegavvikling, som første ledd, før evt innkjøp.

Varierar med type tur. Prinsippet er enkelt; asketisk når eg må, luksus når eg kan. Det siste kan til dømes være vakuumpakka ferskmiddag som eg varmar i kjelen i posen, ala fjordland, saman med ein pakke boil-in-bag ris. Det kan også betyr pannekaker til frukost, med bacon og full pakke. Vinterstid med pulk er fjordland-varianten konge nesten uavhengig av lengd på turen. Vakummpakka og i minusgrader held han kor lenge som helst. Forrige veke var eg på kurs i Jotunheimen, og middagane bestod av Stroganoffgryte med ris, Bolognesegryte med byggrynsris, samt Finnbiff med ris og nydeleg saus og grønsaker. Alt i varianten "heimelaga fjordland". Asketisk vil eg helst ikkje snakke om. Jo hardare eg brukar kroppen jo mindre matlyst får eg, og REAL vert aldri godt, samme kor sliten eg er.

I came from Jotunheimen 2 days ago, still a lot of snow on most of the glaciers, and i guess on all of them if part of a hike to some peak. But this can change rapidly if a warmer weathertype comes along, so no one knows. But as you say, if you are experienced you assess this yourself. Have a nice stay

Ok, then gas will not be a problem Are you travelling alone? In case you are, it is good to know that some hikes have daily guided tours crossing glaciers. (Just so you dont rool out the peaks that require glaciertravelling.)

Hi Lom is well assorted when it comes to outdoorequipment, with several outdoor/sportsshops, so gas will not be a problem unless you have a stove that uses gascanisters that you "puncture" (poorly explained but cannot find the correct word). I guess though that if you make som phonecalls you might find out about this, considering Lom is a popular destinations for tourists with different stoves, you might be able to find gascaninsters with different kinds of connections. Depending on what kind of mountaineering/peaks you are thinking of, ice axe and crampons might be a good idea, but you will also be able to find hikes which do not require this. I suggest you visit the Norwegian Trekking associations website, and use their map, theres is loads of tips for your stay in Jotunheimen. www.ut.no

Altså, det meste kan vel ha skjedd her? Forklaringa kan være så enkel som at han har fått Hjartestopp. Kanskje fins det endåtil ei forklaring på kvifor han "forsvann". Og kanskje var det eit turfølge med jamnstilte. Berre spekulasjonar frå mi side sjølvsagt