Hei,
Har nokon gode argument i retning Alpacka raft eller Ally-kano for eit sambuarpar som ønsker å utvide friluftslivet med ein del padling?
Bakgrunn:
I fjor var vi med på ein kanotur frå Synnervika nord i Femunden til Røros og synest dette var veldig artig. Fin blanding av å nyte den stille naturen og litt action i elv og tømmerrenner Her brukte vi stive Hasle-kanoar, noko vi ikkje har plass til i boda i kjellaren på borettslaget... Planen var derfor å kjøpe ein Ally-kano. I vår kjøpte eg meg ein Flytepacker frå Flyweightdesigns.com. Denne er topp til å ta med på fjelltur for å kunne fiske litt på vatn ein kjem fram til. Men den er ikkje noko å satse på som eit transportmiddel over lenger avstand, etter mi erfaring. Men eg merkar at eg set veldig pris på kor lett den er å hive med i sekken og at det går fort å blåse den opp (spes. med Instaflator) når ein kjem fram. Eg tenker derfor at det kan vere at ein Ally ikkje i same grad vert med på tur som ein Alpacka raft, då denne har meir til felles med Flytepacker-en mtp. vekt og "monteringstid".
Eg ser for meg at det for det meste vert helgeturar framover, sjølv om vi (i alle fall eg) drømmer om å ta vekesturar også. Pris kjem ut på ca. det same, då eg skal ein tur til USA med jobben i slutten av Oktober og kan få ta i Alpacka raft då.
Konkrete spm.:
Kva hastigheit held ein typisk med to stk. som padlar ein Ally over flatvatn? Ditto for ein stk. som padlar åleine. Eg har funne folk som skriv 3,5 km/t og 4 km/t for Alpacka, så eg lurer på kor stor skilnaden er.
Har folk erfaring med korleis det er å vere på tur som par med to stk. packraft? Ser ein stor fordel med kano i at ein padlar i lag og at eg dermed kan ta i litt ekstra når ho er sliten t.d. Men det går kanskje fint å taue ein packraft etter ein annan?
I elv ser eg for meg at ein Alpacka er suveren mtp. kor mykje vatn ein treng i elva. Vil den også vere tryggare mtp kor lett det er å velte?
Vi bur i Trondheim. Er det noko her som eig ein Ally eller Alpacka som ville vere villeg til å la meg/oss prøve dei? Lånar deg gjerne Flytepacker-en, om du vil teste den
Er det nokon som har andre argument i den eine eller andre retninga?
Edit: leif