Nekkoy

Hilleberg Soulo for åleineturar Hilleberg Allak for turar med +1

Skal ikkje ha noko anna innvirkning anna enn redusert ladetid.

Som ein liten follow-up her må eg berre bøye meg i støvet for gnagsårsokkane (halvsokkar) frå apoteket! All problematikk med gnag under foten er eliminert og hælane mine har aldri hatt det så fint på tur. Tusen hjertelig for det tipset! Kan også føye til nokre nye småtips etter at lilletærne fekk seg ei særs stygg utvikling etter nokre lange dagar på hardt, paddeflatt underlag. Heile tåa var berre ei einaste stor blemme, nesten dobbelt så store som vanlig. Sportstape som førebyggjing gjorde vondt verre, så som ei nødløysing klipte eg opp sokkane og sydde dei saman igjen sånn at lilletåa fekk si eiga lille lomme. Heretter skal eg gå for tåsokkar i ull på tur. Fekk også nokre geniale greier med ei dame frå Australia, silikonisert tåhette som kan vere fin til forebygging mot gnagsår på tær eller for å komme seg gjennom det når skaden fyrst har skjedd. Kan finnast på utenlandske nettbutikkar om man søkjer etter silicone toe sleeve eller noko i den duren. Kan ikkje hugse å ha sett noko liknande her heime. Finst både med open eller lukka ende og kan gjenbrukast.

Eg reiser til Island i morgon tidleg og byrjar å gå på fredag. Når skal dykk dit?

Hadde ikkje tenkt over det eg heller før eg googla fly og turutstyr i ein eller anna samanheng og ramla over fleire frustrerte personar på ulike forum i inn- og utland som hadde opplevd å få konfiskert brennaren sin. Inkludert ei særs forbanna dame på Facebook. Fekk litt panikk ei lita stund der

Nei den skal gøymast vekk i mørkaste kroken av baggen laaangt vekke i frå alt som heiter handbagasje. Får satse på den glir fint gjennom sidan den ikkje luktar bensin.

Sidan eg skal fyre med gass så vert det kun brennar som blir med på flyet. Høyres bra ut at dei ikkje bryr seg så mykje om den! Litt usikker på korleis eg skal få reingjort inni drivstoffslangen einaste. Skal i alle fall prøve meg på å legge ved ein sånn lapp som forklaring sidan eg fekk ja etter å ha forklart brennaren sin plass i systemet til personen eg snakka med i sikkerheitskontrollen her.

Nei, i utgangspunktet er det ikkje tillatt (dei listene der er ikkje uttømmande), men dei enkelte flyselskapa har fridom til å avgjere kva som gjeld for deira reisande. Eg er ute etter korleis folk har opplevd dette i praksis, og då helst med sikkerheitskontrollen på Gardermoen/SAS sidan det er dei eg skal reise med. http://www.luftfartstilsynet.no/avdelinger/Security/article1110.ece https://avinor.no/flyplass/oslo/planlegg-reisen/bagasje/sportsutstyr

Eg har sett på dei sidene der når eg googla, men der er ikkje nemnt noko av det eg spør om.

Er det nokon som har reist på fly med brukt Primus/brennar i bagasjen i det siste? Ser at på sidene til Avinor så står brukt Primus/stormkjøkken som ikkje tillatt å medbringe verken i handbagasje eller innsjekka bagasje, men at det kan vere unntak hjå dei enkelte flyselskapa frå denne praksisen. Intet definitivt svar å finne "offisiellt" altså og flyselskapet henviser til Avinor si liste over forbudte ting... Ser på nett det er mange som har blitt fratatt brennarane sine, og det vil eg helst unngå! Vil også unngå å kjøpe ein splitter ny brennar kun fordi eg skal flyge, som er den 100% sikre løysinga for å få den med. Samtidig så er det jo mange som får med seg brennarane sine på flyet, så eg vil gjerne vite KVA dei gjer for å få til det (med mindre det berre er flaks). Var ein tur på flyekspedisjonen her i bygda og spurte folka i sikkerheitskontrollen om eg får med primusen, og då fekk eg fyrst nei før svaret vart endra til ja, så lengje den er rensa før avreise slik at der ikkje er drivstoffrestar (etter eg viste og forklarte at det ikkje er drivstoff i sjølve brennaren). Fekk også vite eg burde prøve å sette fyr på den før eg pakkar den i bagasjen. Skal sjølvsagt ikkje ha med gassbeholdarar på flyet. Så etappen heimanfrå til Gardermoen med Widerøe er i alle fall grei om det stemmer det eg fekk vite der. Så då er spørsmålet om nokon veit korleis dette vert handheva på Gardermoen (utanlandsflyging)? Eller generelt hos SAS? Sjekkar dei bagasjen på nytt ved flybytte eller er eg på trygg grunn når eg får den gjennom kontrollen til Widerøe? Det vart mange spørsmål, håpar nokon har erfaringar med dette.

Har kaffikjel-versjonen av X-pot, genial ting som tek minimalt med plass i sekken. Gode handtak og fin å helle av. Har berre hatt den eit par mnd så kan ikkje uttale meg om haldbarheit, største risikoen er vel å brenne hol i silikonen på eit vis og då er sit ein jo fint i det om ein ikkje har andre alternativ med... Ser på risikoen for at det kan skje som liten iom. at eg ikkje har greid å øydeleggje den enno.

Overnatting under open himmel, take 2 Turen gjekk til Nivane i Ørsta i lag med ei venninne. Klok av skade frå fyrste under-open-himmel-tur i år så hadde eg overlatt ansvaret for kjøkken til henne, OG handla inn fancy-smæncy augebind (beste 50 kr eg har brukt på lenge!). Lite visste eg at problema skulle kome frå ein annan kant denne gong. Etter å ha lagt meg til for kvelden merka eg nemleg at eg etterkvart låg på bakkenivå. Det er ein vesentleg skilnad på dei 7 cm underlag synmaten gir når den funkar, og dei 7 cm som manglar når den IKKJE gjer det. Lite søvn på utenatt nummer 2 og, med andre ord. Med unntak av sterkt skrantande nattesøvn var det ein flott tur! Høg trivselsfaktor med mat, snacks og øl og god stemning. For ikkje å snakke om enorme mengder kaffi i solsteiken. Og møte med eit rypepar påsjekker'n og flott solnedgong. Så får det berre vere at ein er sånn omtrent 7 timar i minus på søvn og har fått tidenes raudfarge i sola.

Eg likar dei frå sommarkolleksjonen til Pierre Robert (reknar med dei dukkar opp i butikkane i år òg!), anna stoff, passform og tynnare stropper enn på den vanlege varianten. Stroppene går ned i ein V bak. Ser fine ut på òg. Men obsobs, dei er ikkje ideelle til bæring av sekk sidan dei fargar av ved komboen sekk og svette (sjølv etter eit års hyppig bruk og vask). Mitt forskningsprosjekt har konkludert med at i den forbindelse er fargen rosa verst, turkis nesten like ille, men gult går greit så lenge ein ikkje har kvitt tøy utanpå.

Vart ei natt under open himmel på meg sidan vêret er så bra. Sein start, liten gåtur opp til forbi Dinglavatnet til fyrste og beste soveplass. Kjapp kveldsmat for å teste ut ny brennar som enda i at eg øydela heile greia. Typisk! Tusla meg heim i 5-tida då det vart for lyst til å bedrive noko meir soving. Trur det blir fleire netter under open himmel framover, men då med sånn fæncy-smæncy augebind for å få det mørkt.

Gregory Deva 80 er komen i hus. Store forhåpningar til sekken ut i frå alt positivt eg har lest om den! 3399,- på Platou, og kjempeservice frå betjeninga (som alltid)