Eg skal kjøpa mitt fyrste telt!! Har ei lita dotter på snart to som eg etterkvart ynskjer å ta med på små og gradvis lengre turar. I starten vert det nok helst telting ved bilen nær sjøen, men etterkvart littegrann lengre i turar og skog/fjell. Eg ser dog ikkje for meg at me kjem til å gå i dagevis i fjellheimen med teltet. Då overnattar me nok heller på DNT-hytter. Eg har lyst til at teltet skal vera stort nok til at me kan invitera ein vaksen og evt også eit barn til med oss på tur. Det er vel helst vår, sumar og haust at teltlivet er aktuelt for oss. Når eg fyrst kjøper eit telt kunne eg tenkja meg eit som eg kan ha ei stund, ikkje eit eg får lyst til å byta ut i eit betre med ein gong me har fått smaken på teltlivet.
Kva bør eg kjøpa? Ser for meg at eit fjelltelt/tunneltelt er tingen, men det er også alt. Pris er eigentleg ikkje så nøye. Eg har sett litt på Hilleberg sine, og dei ser freistande ut. Men tenkjer at det kanskje er litt overkill? Eg er svært takksam for tips frå folk som har litt meir greie på dette enn meg
