Arangaras

Hei! Fulgte rådet ditt og tok meg ein tur i Brungmarka denne helga! Turen kan verkeleg anbefalast! Fulgte den ruta du anbefalte i byrjinga til Storavatnet (vart ikkje lange turen nei, men var veldig fin for meg og mine ynskjer akkurat no), og fann meg ein teltplass der eg berre slappa av nesten heile laurdagen. Fantastisk avkobling for ein som er litt for lei av Trondheim by. Elles vil eg nemne at eg fann eit kart over området her.

Vil berre teste kva folk meiner om forslaget mitt, då eg nok sjølv er MEGET upartisk i saka, då mor mi er frå Hjørundfjorden. Likevel klarar eg ikkje å slutte å bli lamslått av kor fint dette fjellet er: Slogen er ikkje av dei største, men likevel ein fantastisk tur. Den er tilgjengeleg, forholdsvis enkel å gå, og eg meiner at utsikta kan måle seg med det meste. I tillegg ser jo fjellet (som sagt, dette er mi meining) råtøft ut, og når ein ser det so tenkjer ein fort at dette fjellet må no vel vere vanskelegare å bestige enn dei sei? Dette er mi meining om eit fjell som kunne passa som nasjonalfjellet i Noreg. Problemet er vel kanskje at det ser litt vel unorsk ut?

Expert har nokre på tilbod for tida, heiter Creative Zen Muvo (eller Nano). Desse er små, kompakte, har utbyttbare batteri, god batteriutnytting, greit med lagringskapasitet (1 gb) og ikkje minst ein SÆRS god pris: 299kr! Har gode erfaringar med desse. Dei tåler det meste, og funkar fint som ekstern harddisk. I tillegg slepp du teite program som iTunes for å overføre musikken (berre legg inn songane på disken som om det er ein annan harddisk). God tur!

Er berre halvt sunnmøring, men ser meg likevel kvalifisert nok til å svare: Slogen! Saksa! Jakta! "Alle" fjella i området rundt Øye/Urke/Sæbø. Er so mange "skattar" der at det er til å bli svimmel av. Slogen kan kanskje vere litt vel folksom på fine dagar då, og turen nedatt er ikkje akkurat god for knea (eit tips er då å gå ned Longsetra, og ikkje ned på Øye). Er du glad i å klatre, vil du finne eit lite paradis i Standal. God tur!

Ligg ikkje det ei ganske fin steinbru rett før krysset ved Tryggestad? Viss du kjem køyrande frå Hornindal, før du kjem til krysset der du tek til venstre om du vil gjennom Norangsdalen, og rett fram for å kome til Hellesylt/Stranda, so kjem du til ein haldeplass med ein kiosk og toalett. Skal vere ei ganske fin bru der. Hugsar diverre ikkje namnet på den.

Skikkeleg kult at du skal ut på langtur! Eg har nok lite tips å kome med, men vil berre ønske deg ein fin tur. Ser fram til å lese om korleis turen går. Lykke til!

Yay! Då har eg snakka med Kristiansund og Nordmøre Turistforening, dei skulle sende meg eit kart over Fjordruta med turforslag og greier og greier. Vedkomande sa at det ikkje var noko særleg med snø i området heller, so det skulle gå fint å gå tur der. Då ser det ut som om eg kjem meg ut ein tur!

Njaa... Er student i Trondheim ja, men går på TØH (Trondheim Økonomiske Høgskole), som ligg under Høgskolen i Sør-Trøndelag, so har nok ikkje noko adgang til NTNUI-hytter

Det såg eigentleg veldig interessant ut. Er du kjend med denne ruta? Ei spesiell etappe du vil foreslå? 15 mil blir ein litt lang tur for meg no mellom eksamenane. Står på kntur.no at alle hyttene er lett tilgjengelege frå vegen, so då kan eg vel berre velge å vrake då.

Etter den 8. mai er eg ferdig med 3 av mine 5 eksamenar, og då er det heldigvis langt fram til neste, so då tenkte eg at eg kunne nytte sjansen til å kome meg ut litt. Er litt lei av å sitje her i Trondheim og råtne, vil ut på tur! Tenkte difor ein liten tur, men har ikkje peiling på kor. Planen er å finne ei DNT-hytte av noko slag, sjølvbetjent, der eg kan vere ein dag eller to og traske litt turar og berre slappe av. Det idéelle hadde vore ei hytte slik som Reinheim på Dovrefjell, men kanskje litt mindre. Har bil, men vil helst ikkje køyre meir enn to timar kvar veg. Folk har jo nemnd Trollheimen og Sylane for meg, men ingen som veit om hytter til mitt formål. Eg har heller ikkje skia mine her i Trondheim, so det må nesten vere mogeleg å gå til fots til hytta og i området rundt. Har nokon tips til hytte for meg? På forhand takk!

Eg synst det er spennande med fjell som har praktiske namn frå gamle dagar. Slik som Nonshø og Middagsfjellet, som fortalte folka som var ute og jobba når det var på tide å kome seg heim til nons eller middag. Nokon som har døme på andre fjell med praktiske namn?

Vel, dersom du skal ha vakker natur, so vil eg nok foreslå ein tur til Sunnmørsalpane. Norangsdalen, Slogen, Saksa.. Kanskje ikkje beste plassen å gå i midten av juni då, men det vil eg tru er sant for dei fleste fjella på Vestlandet..

OK, no føler eg meg skikkeleg blond her, men kor er denne veien? Eg trudde det var den veien som gjekk inn til Snøheim, som låg nedanfor Snøhetta eg. Eller tar eg heilt feil her no?

Joda, Berger gjekk kjempebra, og det var skikkeleg konge at han klarte å vise resten av verda òg at gullet på 15km ikkje berre var rein og skjær flaks! Men det er akkurat det rykket som eea snakka om eg vart so imponert over. Etter 9,7km på ski so berre set han igang med det rykket. Hjelmeset var ikkje akkurat noko dårleg han heller, fekk ikkje med meg Rønning sin del av løpet, men den skulle visst ha vore ganske bra den og. Rett og slett ein perfekt dag for det norske laget!

Rykket til Northug kjem garantert til å bli skrive om i historie-bøkene. For dei som vil sjå det igjen, so finne de det her: http://www1.nrk.no/nyhetsspiller/type/loop/verdi/7088/tab/nyheter Eg visste ikkje at det var mogeleg å gå so fort på ski eg.